Tarix sözü ilahi ədalət məhfumu ilə nə qədər yaxındırsa, istifadə sözü də tarixə bir o qədər bağlıdır. İstənilən tarixi düşünəndə onun vacib atributundan olan - ordu gəlib dayanır gözümüzün önündə. 2-3 gün olar ki, bu fikir məni tərk etmir. Çünki, hər gün aldığım informasiyaların içində gündəmdən düşməyən bir mövzu var: Ermənistanda mitinqlər davam edir, orada qarışıqlıqdır və s. Nədənsə, 90-cı illərin əvvəlində Azərbaycanda olan qarışıqlıqlar dövrü yadıma düşür. Bir də, bundan ustalıqlı faydalanan düşmən. Arxaya boylanıb son 15 ildə qazandıqlarımızı və itirdiklərimizi götür – qoy edirəm. Elə boylanmışkən, son zamanlar tez- tez eşitdiyimiz, bəzən də öz dilimizdən çıxan bir ifadə yada düşür. Hazırıq! Əmri gözləyirik! Müharibə çox yaxındadır! Düşmən ölkədəki bu qarışıqlığa izin verən tarix isə göstərirki, savaş da bizim üçün tam hazırdır. Həmsədrlərin qulağından iraq, vallah, bundan münbit şəraitin olacağına mən inanmıram. Ani bir toplanış, ildırımsürətli bir “Yeni Barbarossa” planı, dəli bir türk çılğınlığı ilə hücum...vəssalam...ondan sonra oturaq nə qədər istəyirlər gözləyək. Müzakirəmiz isə daha Qarabağ barədə olmasın. Göyçə, Zəngəzur, İrəvan ətrafında danışıqlar getsin. Vallah bu günah da deyil. Peyğəmbərimizin öz kəlamlarının içindən oxumuşam bu sözü. Deyir ki, 3 məqamda danışılan yalan günah deyil. Birini tam xatırlaya bilmirəm. Biri arvada vəd verərkən, biri də müharibə zamanı...

Raqif Raufoglu